शुक्रवार, ३ एप्रिल, २०२६

किती ती निगेटिव्हिटी

आजकाल टीव्ही वर किंवा सोशल मीडियावर फक्त आणि फक्त नेगेटिव्ह नकारात्मक बातम्यांचा भडीमार दिसतो. चांगल्या बातम्या किंवा किंवा चांगल्या गोष्टी या जगातून लोप पावल्या आहेत का असं वाटू लागतं ?

कुठे घेऊन जात आहेत समाजमाध्यमं आपल्याला? त्यांच्या टीआरपीच्या खेळाला सामान्य माणूस बळी पडत चालला आहे असं वाटू लागलं आहे? कोणतेही चॅनेल सुरु करावं तर बहुतांशी हेच पाहायला मिळतं आहे. ओटीटी प्लॅटफॉर्म वर सुद्धा नंगा नाच सुरु आहे असं वाटतं. चांगला कन्टेन्ट लिहिणारे किंवा आवर्जून लिहावं असं वाटणारे लोक खूप कमी झाले आहेत. 

सर्वाना लवकर प्रसिद्धी हवी आहे त्यासाठी सनसनाटी लिहावं किंवा भडक चित्रण असणारे लिहावं किंवा दाखवावं अशी मानसिकता जास्त पाहायला मिळते. 

या सर्व गोष्टींचा लहान मुलांच्या बालमनावर किती खोलवर परिणाम होत असेल याची जाणीव कदाचित आता होत नाही पण याचे दूरगामी परिणाम निश्चितच खूप भयानक असतील यात शंका नाही. 

जुना काळ असा होता तास होता, आमचं बालपण असं होत तस होत हे सर्वाना ऐकायला मिळत. काळानुसार बदल निश्चितच घडायला हवा यात दुमत नाही. पण कुठेतरी सुवर्णमध्य असणं आवश्यक आहे. 

समाजमाध्यमांवर पसरत असलेली नकारात्मता अतिशय जीवघेणी आहे, याचा आपला दैनंदिन आयुष्यावर देखील खूप परिणाम होतो. जगात आणि आपल्या देशात खूप काही चांगल्या गोष्टी देखील घडत आहेत. अतिशय चांगली लोक देखील आहेत जे खूप चांगली कामे करत आहेत. पण या टीआरपीच्या सणसणीत खेळात त्यांना जागा नाही. कारण नकारात्मक गोष्टींना मिळणारी प्रसिद्धी जास्त आहे. 

त्यामुळे आता बातम्या पाहायची इच्छा होत नाही. समाजमाध्यम सोशल मिडियावर व्यक्त होणारी लोक पाहता आता सोशल मीडिया पण वापरायला नको असं लोकांना वाटल्यास यात नवल नाही. 

जग केवळ चांगल्या माणसांमुळे आणि चांगल्या गोष्टींमुळे पुढे चालले आहे काही वाईट आणि नकारात्मक गोष्टींना अंत हा असतोच. 

सोमवार, १ डिसेंबर, २०२५

प्रेम प्रकरण की मनाची भावना

 नांदेडमध्ये सक्षम ताटे या तरुणाची हत्या झाल्याची घटना वाचनात आली. आई वडिलांचा प्रेमाला विरोध आपण समजू शकतो. अशा वेळी आपल्या मुलीला त्यांना समजावता आले असते. त्या तरुणाची हत्या करण्याइतपत त्या संबंधित मुलीचे कुटुंबीय कसे जाऊ शकतात ?

प्रेम चुकीचे नसते, व्यक्ती चुकीची असू शकते. पण हि घटना पूर्ण वेगळी आहे. इथे आई वडिलांच्या मानसिकतेला हि समजून घेणे आवश्यक आहे. 

ज्या मुलीला आपण जन्म दिला, तिचे पालन पोषण केले तिने केवळ प्रेमविवाह करायचा हट्ट धरला म्हून त्या मुलाची हत्या करावी हे सर्वथा चूक आहे. 


या घटनेत मुलगा आणि मुलीचे कुटुंब या दोघांची पार्श्वभूमी गुन्हेगारी प्रवृत्तीची आहे असं वाचनात आले. आजच्या काळात डोळसपणे प्रेम करायला हवं असे म्हणायला हरकत नाही. 


इथे आई वडील मुलीला समजावू शकते, तुला त्याच्या सोबत लग्न करायचे आहे ना, लावून देतो पण आधी तू शिक, स्वतःच्या पायावर उभी राहा. नंतर आपण तुझं लग्न लावू. कदाचित काही काळाने मुलीचा लग्नाबाबत विचार बदलला असता. 


एका काळाने मुलींनी पण आई वडिलांची मानसिकता समजून घेतली पाहिजे. ज्यांनी जन्म दिला त्यांनी काही कारण असेल म्हणून लग्नाला विरोध केला असेल, आई वडिलांची समजूत काढावी त्यांचा विचार बदलला कि त्यांच्या आशीर्वादाने आणि मर्जीने लग्न करावे. कारण प्रेमात पळून जाऊन लग्न करणाऱ्या कित्येक जोडप्यांची व्यथा पाहण्यात आली आहे. लग्न केल्यावर संसार करताना अडीअडचणी सोडवताना होणारी तारांबळ खूप कठीण असते. अशा वेळी आपल्या आई वडिलांचा एक पाठिंबा असणे आवश्यक असते. 


प्रेम प्रेम असत, ते कधीही जात किंवा धर्म पाहून होत नाही. समाज म्हणून आपण अजूनही मागास आहोत. मुलींना त्यांच्या लग्नाबाबत निर्णय घेण्याचं स्वातंत्र्य द्यायलाच हवं. ते सध्याच्या काळाची गरज आहे. 

किती ती निगेटिव्हिटी

आजकाल टीव्ही वर किंवा सोशल मीडियावर फक्त आणि फक्त नेगेटिव्ह नकारात्मक बातम्यांचा भडीमार दिसतो. चांगल्या बातम्या किंवा किंवा चांगल्या गोष्टी ...